कृषि विभाग

सहयोग र सरोकार संस्थामा कृषि विभागको सुरुवात सन् २००२ अक्टोबरबाट भएको हो । हाल यस विभागमा तालिम संयोजकको रूपमा रोशन प्रजापति र प्रशिक्षकको रूपमा प्रशान्त थिङ कार्यरत हुनुहुन्छ । यस विभागले एकदेखि पाँच दिनसम्मको छोटो अवधिको तालिमहरू सञ्चालन गरिरहेको छ । यस विभागले सञ्चालन गर्ने तालिमहरूमा प्राङ्गारिक तरकारी खेती, च्याउ खेती, अचार प्रविधि, मौरीपालन, फलफूल खेती, मसला बाली खेती, विषादी र विकल्प, टनेल प्रविधि, कृषक पाठशाला सहजकर्ता, जाम, केचप, चिप्स प्रविधि आदि पर्छन् । तालिम बाहेक कृषक पाठशाला, समूह सञ्चालन, लोकगीत प्रतियोगिता, बुलेटिन प्रकाशन, कथा संकलन र अन्य प्रतियोगितात्मक कार्यक्रमहरू सञ्चालन गरिरहेको छ ।